• Tue. Aug 16th, 2022

    चाळीसगावात निसर्गाचा प्रकोप .. तितूर नदीला पूर , जनजीवन विस्कळीत , घाटात दरड कोसळली.

    चाळीसगाव शहरासह अनेक गावांमध्ये पुराचे पाणी शिरल्याने जनजीवन विस्कळीत झाले आहे .झाले असे की कोदगाव धरणातून अचानक पाण्याचा विसर्ग वाढल्याने तितुर नदीला मोठ्या प्रमाणात पूर आला आहे या पुरामुळे रोकडे , बाणगावसह अनेक गावांचा संपर्क तुटला गेला आहे . तसेच रात्री पावसामुळे कन्नड घाटात दरड कोसळलेली असून मोठ्या प्रमाणावर वाहतूक कोंडी झालेली आहे . महामार्ग विभागातर्फे वाहतूक सुरळीत करण्याचे काम सुरू आहे सततच्या पावसामुळे व अवघड घाटामुळे कामात अडचण येत असून या मार्गाने आपले प्रवासाचे नियोजन असल्यास ते तात्पुरते स्थगित करावे , अशा सूचना देण्यात येत आहे .

    हा पाऊस चाळीसगाव तालुक्यात मोठ्या प्रमाणात सुरू आहे यामुळे गिरणा धरणाखालील गिरणा नदी , उपनद्यांना व नाल्यांना मोठा पूर आलेला आहे , तसेच इतर छोट्या – मोठ्या धरणातून पाण्याचा विसर्ग सुरू आहे , हे पुराचे पाणी गिरणा नदीत येऊन मिळत आहे .त्यामुळे गिरणा नदीची पाण्याची पातळी वाढत आहे . त्यामुळे नदीच्या काठावरील गावांना याद्वारे थोक्याचा इशारा देण्यात येत आहे .

    Leave a Reply

    Your email address will not be published.