खान्देश टाईम्स न्यूज l ०८ ऑक्टोबर २०२३ l पनवेल l अखिल महाराष्ट्र राज्य नगरपालिका व महानगरपालिका संघ द्वारा आयोजित राज्यस्तरीय आदर्श शिक्षक पुरस्कार २०२३ इरफान शेख अहमद खाटिक यांना प्रदान करण्यात आला. शेख इरफान हे जेष्ठ कवी अजीज ब्यावली यांचे सुपुत्र असून जळगाव चे रहिवासी आहे. ते भुसावळ नगर पालिका शाळा क्रमांक २५ येथे आपले कर्तव्य पार पाडत आहे. त्यांच्या शैक्षणिक, सांस्कृतिक, सामाजिक आणि राष्ट्रीय क्षेत्रात असाधारण योगदानाबद्दल त्यांना गौरविण्यात आले. हा पुरस्कार वितरण सोहळा दिनांक ८ ऑक्टोबर २०२३ रविवार रोजी पनवेल येथे आयोजित करण्यात आला. कार्यक्रमाचे अध्यक्ष पनवेलचे आमदार तथा सिडको अध्यक्ष मा. प्रशांतदादा ठाकूर हे होते. तर कार्यक्रमाचे उद्घाटन महाराष्ट्र राज्य शालेय शिक्षण व क्रिडा मंत्री श्री दीपक केसरकर यांच्या हस्ते झाले. प्रमुख पाहुणे म्हणून मा. भरतशेठ गोगावले आमदार तथा शिवसेना प्रतोद, मा. जयकुमार गोरे आमदार माण- खटाव, मा. आदितीताई तटकरे महिला व बालकल्याण महाराष्ट्र राज्यमंत्री, तसेच
मा. महेंद्र दळवी आमदार अलीबाग, मा. महेंद्र थोरवे आमदार कर्जत, मा. रवीशेठ पाटील आमदार पेण, मा. महेश बालदी आमदार उरण, मा. अनिकेत तटकरे आमदार पदवीधर, मा. संदीप संगवे शिक्षण उपसंचालक मुंबई विभाग, मा. प्रकाश बिनेदार शिक्षण सभापती पनवेल मनपा, मा. परेशशेठ ठाकूर सभागृहनेते पनवेल, मा. अमित चव्हाण उद्योजक तथा संचालक सह्याद्री हॉस्पिटल कराड, मा. उमेश भरडा उद्योजक पनवेल, मा. संतोष भोसले व्हाईस प्रेसिडेंट आय. आय. एफ. एल. फायनान्स गोल्ड लोन, मा. गणेश देशमुख आयुक्त तथा प्रशासक पनवेल मनपा आदी मान्यवर उपस्थित होते. अश्या वेळी इरफान शेख अहमद खाटीक यांना उपस्थित मान्यवर तसेच नातेवाईक आणि मित्र परिवाराने शुभेच्छा दिल्या.
