जळगाव : भरधाव रिक्षाने दुचाकीला धडक दिल्याने प्रल्हाद शंकर बारी (वय ६२, रा. पिंप्राळा) हे जखमी झाले. ही घटना २८ जानेवारी रोजी घडली. याप्रकरणी मंगळवारी एमआयडीसी पोलिस ठाण्यात रिक्षाचालकाविरुद्ध गुन्हा दाखल करण्यात आला आहे. शहरातील पिंप्राळा परिसरात प्रल्हाद बारी हे वास्तव्यास आहे.
दि. २८ जानेवारी रोजी दुचाकीने (एमएच १९, बीव्ही २८१८) सिधी कॉलनीतूना इच्छादेवी मंदिराकडे जात असताना मागून भरधाव वेगाने येणाऱ्या रिक्षाने (एमएच १९, सीडब्ल्यू ५२७६) ने जोरदार घडक दिली. यात बारी हे गंभीररित्या जखमी झाले. त्यांना शासकीय वैद्यकीय महाविद्यालय व रुग्णालयात दाखला करण्यात आले. या प्रकरणी त्यांनी एमआयडीसी पोलिस ठाण्यात फिर्याद दिली. त्यावरून रिक्षा चालकाविरुद्ध गुन्हा दाखल करण्यात आला आहे. पुढील तपास सहाय्यक फौजदार राजेंद्र उगले करत आहेत.
