पाळधी, ता. धरणगावः- येथील पाळधी खु. भागातील शनिनगर येथे रात्री मोटार सायकल चोरी करतांना नागरीकांचा सतकर्तेमुळे दोघ चोरट्यांना पोलीसांच्या ताब्यात देण्यात आले. पोलिसांनी त्यांना अटक केली आहे.
धरणगाव तालुक्यातील पाळधी खु. येथील शनीनगर भागात शेख असलम शेख रहीम हे राहतात. त्यांची घरा बाहेर लावलेली मोटार सायकल (एम एच १९ डी सी ९७०६) ही दोन चोरटे मध्यरात्री दोन वाजेच्या सुमारास चोरून नेत होते. मात्र याच वेळी काही जणांना आवाज आल्याने त्यांनी त्यांचा पाठलाग करून
चोरट्यांना रंगेहाथ पकडले. त्यांना पाळधी पोलीस चौकी येथे आणून त्यांच्याकडून मोटार सायकल ही ताब्यात घेण्यात आली. यावेळी अश्रफ मोहम्मद हनीफ, शेख सद्दाम शेख शरीफ (दोघ रा.मालेगाव) यांना अटक करण्यात आली. त्यांच्या ईतर साथीदारांचा शोध घेतला जात आहे. तपास करताना पाळधी पोलीसांनी दुचाकी चोरीच्या टोळीचा छडा लावून आणखी काही गुन्हे उघडकीस येण्याची शक्यता आहे. याप्रकरणी शेख असलम शेख रहीम यांनी दिलेल्या फिर्यादीवरुन गुन्हा दाखल केला आहे. तपास सपोनि सचिन शिरसाठ यांचा मार्गदर्शनाखाली विठ्ठल पाटील, गजानन महाजन करीत आहेत.
