जळगाव शहरातील एका उर्दू शाळेतील महिला शिक्षिकेला धक्काबुक्की करून शिवीगाळ, मुख्याध्यापकासह चेअरमनवर गुन्हा दाखल
जळगाव प्रतिनिधी
शहरांमधील एका उर्दू शाळेतील महिला शिक्षिकेला अश्लील शिवीगाळ करून धक्काबुक्की केल्याचा प्रकार उघडकीस आला असून या प्रकरणी शिक्षिकेच्या तक्रारीवरून शहर पोलीस ठाण्यात मुख्याध्यापक आणि चेअरमन यांच्याविरुद्ध बुधवारी रात्री गुन्हा दाखल करण्यात आला आहे. यामुळे शहरात खळबळ उडाली आहे.
सूत्रांनी दिलेली माहिती अशी की जळगाव शहरातील एका भागात असलेल्या उर्दू शाळेत ४२ वर्षीय महिला शिक्षिका नोकरीला आहेत. २८ जानेवारी ते ८ फेब्रुवारी दरम्यानच्या काळामध्ये शाळेचे मुख्याध्यापक आणि शाळेचे चेअरमन या दोन दोघांनी महिला शिक्षिकेला धक्काबुक्की करून त्यांच्या मनात लज्जा उत्पन्न होईल असे कृत्य करत विनयभंग केला.
तसेच त्यांना अश्लिल शिवीगाळ करत दमदाटी केल्याचा धक्कादायक प्रकार समोर आला आहे. तसेच अनेक वेळा त्यांना शाळेत शिकवत असताना त्यांचा विनयभंग करण्यात आला आहे. दरम्यान या त्रासाला कंटाळून महिला शिक्षिकेने २६ फेब्रुवारी रोजी जळगाव शहर पोलीस ठाण्यात तक्रार दिल्यावरून शाळेचे मुख्याध्यापक आणि चेअरमन या दोघांवर विनयभंगाचा गुन्हा दाखल करण्यात आला आहे. तपास पोलीस कॉन्स्टेबल प्रदीप पाटील करीत आहे.
