खान्देश टाईम्स न्यूज l ३० जुलै २०२३ l हजरत बिलाल फाऊंडेशन जळगावच्या वतीने जळगाव शहरातील सक्रिय व सुप्रसिद्ध शिक्षिका शाहीन रईस कुरेशी यांना आदर्श शिक्षक पुरस्काराने सन्मानित करण्यात आले.
जळगाव जिल्हाधिकारी कार्यालयातील अल्पबचत भवन येथे हा कार्यक्रम संपन्न झाला. हजरत बिलाल फाऊंडेशनच्या वतीने हा कार्यक्रम आयोजित करण्यात आला होता. ज्यामध्ये विविध क्षेत्रातील तज्ज्ञांना त्यांच्या उपक्रम आणि सेवांसाठी विविध पुरस्कारांनी सन्मानित करण्यात आले. अल्प बचत भवन जिल्हाधिकारी कार्यालय, जळगाव येथे आयोजित या कार्यक्रमात शहरातील व शहराबाहेरील विविध क्षेत्रातील तज्ज्ञ व प्रभावशाली व्यक्ती मोठ्या संख्येने सहभागी झाले होते.
शाहीन रईस कुरेशी विशेषत: सामाजिक आणि शैक्षणिक उपक्रम आणि बंधुभावाचे कार्य ही त्यांची वैयक्तिक आवड आणि क्षेत्र आहे. यावेळी जळगाव शहरातील मान्यवर डॉ. अब्दुल करीम सालार, अकील पहेलवान, अजमल शहा, सोहेल अमिर, अनवर सिकलगर, शिबान अहमद यांच्यासह अनेक पदाधिकारी उपस्थित होते. हा पुरस्कार मिळाल्यावर सर्व पदाधिकारी व त्यांचे मित्र मंडळांसह विद्यार्थी वर्ग तसेच शहरातील मान्यवरांच्या वतीने सत्कार करण्यात आला.
