भरधाव वाहनाची धडक; महिला गंभीर जखमी
जळगाव : शहरातील खोटेनगर स्टॉपजवळ भरधाव वाहनाच्या धडकेत महिला गंभीर जखमी झाल्याची घटना ४ जुलै रोजी दुपारी घडली. वैशाली पंढरीनाथ सपकाळे (वय ४३, रा. यशवंत नगर) या महिला साईनगरकडे जात असताना (एमएच १९ बीयू ७०७०) क्रमांकाच्या वाहनाने त्यांना जोरदार धडक दिली.
या अपघातात वैशाली सपकाळे यांना कंबरेला आणि हाताला गंभीर दुखापत झाली. अपघातानंतर त्या रस्त्यावर कोसळल्या. जखमी अवस्थेत त्यांना उपचारासाठी रुग्णालयात दाखल करण्यात आले आहे.
या प्रकरणी वैशाली सपकाळे यांनी ५ जुलै रोजी तालुका पोलीस ठाण्यात तक्रार दाखल केली असून, वाहनचालक संजय प्रभाकर साळुंखे (रा. एसएमआयटी कॉलेजजवळ, मुक्ताईनगर कॉलनी) याच्याविरोधात गुन्हा नोंदवण्यात आला आहे.
या घटनेचा तपास पोलीस नाईक कैलास इंगळे करीत आहेत.
