जळगाव: जळगाव जिल्ह्यात पहिल्यांदाच जिल्हास्तरीय वुशू स्पर्धेचे आयोजन करण्यात आले होते. ३१ ऑगस्ट २०२५ रोजी श्री छत्रपती शिवाजी महाराज क्रीडा संकुलात ही स्पर्धा उत्साहात पार पडली. या स्पर्धेत जळगाव संघाने १६ सुवर्ण आणि २ रौप्य पदके मिळवून प्रथम क्रमांक पटकावला.
या स्पर्धेचे उद्घाटन विजया केसरी प्रतिष्ठानचे अध्यक्ष अविनाश जाधव यांच्या हस्ते झाले. यावेळी जिल्हा वुशू संघटनेचे सचिव दिनेश सोनवणे यांनी मार्गदर्शन करताना सांगितले की, ‘वुशू’ हा एक आंतरराष्ट्रीय दर्जाचा खेळ असून, तो आता ऑलिंपिक स्पर्धेतही समाविष्ट झाला आहे.
स्पर्धेतील विजेते आणि उपविजेते
या स्पर्धेत जिल्ह्यातील एकूण १० तालुक्यांमधून २०० खेळाडूंनी सहभाग घेतला होता. स्पर्धेतील विजेते संघ असे:
- प्रथम क्रमांक: जळगाव संघ (१६ सुवर्ण, २ रौप्य)
- द्वितीय क्रमांक: चाळीसगाव संघ (१० सुवर्ण, २ रौप्य)
- तृतीय क्रमांक: भुसावळ संघ (८ सुवर्ण, ४ रौप्य)
यावेळी भूषण लाडवंजारी, प्रा. दिपक पाटील, दीपाली पाटील, भटु देसले, रेहान शेख, राजेंद्र जंजाळे, भूपेश सपकाळे, मोईन खाटीक, अतुल जाधव, शुभम शेटे, अबरार खान, सागर निकम, राजेश पाटील, रोहित पाटील, ओम गायकवाड, गोपाल बागुल आदी मान्यवर उपस्थित होते.
स्पर्धेच्या यशस्वीतेसाठी अतुल जाधव, भूपेश सपकाळे, रोहित पाटील, मोईन खाटीक, राजेश पाटील, प्रेम देवरे, मुकेश ठाकरे, प्रेरणा जाधव, मंगेश जाधव आणि दयानंद सोनवणे यांनी पंच म्हणून जबाबदारी पार पाडली.
