खुनाच्या गुन्ह्यातील मुख्य संशयित काही तासांतच शिताफीने जेरबंद
स्थानिक गुन्हे शाखेची धडाकेबाज कारवाई
जळगाव (प्रतिनिधी) : एमआयडीसी पोलीस स्टेशन हद्दीत दाखल झालेल्या खुनाच्या गुन्ह्यातील (सीसीटीएनएस गु.क्र. ७०६/२०२५, भा.दं.वि. कलम ३०२) मुख्य संशयिताला स्थानिक गुन्हे शाखेच्या (स्थागुशा) पथकाने अवघ्या काही तासांत शिताफीने अटक केली आहे. या कारवाईमुळे जिल्हा पोलीस दलाच्या वेगवान तपास यंत्रणेला पुन्हा एकदा वाव मिळाला आहे.
खुनाच्या गंभीर गुन्ह्याची माहिती मिळताच जिल्हा पोलीस अधीक्षक मा. डॉ. महेश्वर रेड्डी यांनी तत्काळ गुन्हा उघडकीस आणण्यासाठी स्थानीक गुन्हे शाखेचे वरिष्ठ पोलीस निरीक्षक राहुल गायकवाड यांना आदेश दिले.त्यावर त्यांनी पोह. नितीन बाविस्कर, पोना. किशोर पाटील, पोर्क. छगन तायडे, पोकों. रविंद्र कापडणे आदींचे पथक तयार करून संशयिताचा शोध सुरू केला.
गोपनीय माहितीवरून सापळा
स्थागुशा पथकाने खात्रीशीर गुप्त माहिती मिळवून नशिराबाद परिसरात सापळा रचला. त्यातून खुनातील मुख्य आरोपी योगेश संतोष पाटील उर्फ पिंटू (वय २७, रा. कासमवाडी, जळगाव) यास शिताफीने जेरबंद करण्यात आले. आरोपीस पुढील कारवाईसाठी एमआयडीसी पोलीस ठाण्याच्या ताब्यात देण्यात आले आहे.
वरिष्ठांच्या मार्गदर्शनाखाली कारवाई
ही कारवाई पोलीस अधीक्षक, डॉ. महेश्वर रेड्डी, अपर पोलीस अधीक्षकअशोक नखाते, , जळगाव, तसेच उपविभागीय पोलीस अधिकारी नितीन गणापुरे, , जळगाव विभाग यांच्या मार्गदर्शनाखाली करण्यात आली.
