जळगाव ;- इकरा शिक्षण संस्थेच्या एच जे थीम कला व विज्ञान महाविद्यालय मेहरून जळगाव येथील बजमे उर्दू अदब तर्फे ७५ वा प्रजासत्ताक दिन साजरा करण्यात आला. कार्यक्रमाचे अध्यक्ष इकरा शिक्षण संस्थेचे उपाध्यक्ष तथा इकरा थीम कॉलेजचे चेअरमन डॉ. इकबाल शाह हे होते.
तसेच प्रमुख पाहुणे म्हणून इकरा शिक्षण संस्थेचे डायरेक्टर डॉक्टर जबिअल्ला शाह, आयटीआय चे प्राचार्य जुबेर मलिक, महाविद्यालयाचे प्राचार्य डॉक्टर चांदखान, उपप्राचार्य डॉक्टर वकार शेख, उपप्राचार्य डॉक्टर तनवीर खान, प्राध्यापक इब्राहिम पिंजारी , प्रा डॉ युसूफ पटेल,प्रा. सोहेल अमीर, उपस्थित होते. कार्यक्रमाची सुरुवात कुरान पठणाने करण्यात आली. त्यानंतर विद्यार्थ्यांनी देशभक्तीपर गीत देशभक्तीपर भाषण केली. कार्यक्रमाचे सूत्रसंचालन अलबिया शेख यांनी उत्कृष्टरित्या पार पाडले. या कार्यक्रमांमध्ये डॉक्टर इकबाल शाह यांनी आपले विचार मांडताना सांगितले की सर्वांनी देशासाठी आपला योगदान दिला पाहिजे.चांगले शिक्षण घेऊन आपल्या देशाचे सुजाण नागरिक व्हावे. उपस्थित पाहुण्यांचे आभार तृतीय वर्षा ची विद्यार्थीनी नशरा असलम खान यांनी केले. या कार्यक्रमाला सर्व प्राध्यापक , प्राध्यापिका, कार्यालयीन अधीक्षक, शिक्षकेतर कर्मचारी, व विद्यार्थी मोठ्या संख्येने उपस्थित होते.
