खान्देश टाइम्स न्यूज l २० एप्रिल २०२५ l जळगावकरांसाठी मोठी खुशखबर! शहरात पहिल्यांदाच भव्य आणि आधुनिक ‘व्हीपीडी अॅडव्हेंचर पार्क’ उद्या, २१ एप्रिल रोजी जनतेसाठी खुला होणार आहे. हा पार्क शहरातील लोकांसाठी मनोरंजनाचे एक नवीन ठिकाण ठरणार असून, लहान मुलांपासून मोठ्यांपर्यंत सर्वांना आकर्षित करणाऱ्या विविध मनोरंजक सुविधा येथे उपलब्ध आहेत. अॅडव्हेंचर पार्क चा पत्ता इच्छादेवी चौक जुडिओ शोरूमच्या बाजूला आहे.
मनोरंजनाचा खजिना:
या अॅडव्हेंचर पार्कमध्ये लहान मुलांसाठी खास सॉफ्ट प्ले झोन आहे, तर मोठ्यांसाठी रोमांचक आणि आधुनिक तंत्रज्ञानाने परिपूर्ण खेळ आहेत. ट्रॅम्पोलिन पार्क, व्हर्च्युअल रिॲलिटी (VR) गेम्स, VR शूटिंग गेम्स आणि चेअर गेम्स यांसारख्या नवीन खेळांमुळे येथे वेळेचा पत्ता लागणार नाही.
कुटुंबासाठी खास:
पार्कमध्ये केवळ खेळच नाहीत, तर कुटुंबातील सदस्यांना एकत्र बसून आनंद घेण्यासाठी विशेष व्यवस्था करण्यात आली आहे. त्यामुळे हे ठिकाण केवळ मुलांसाठीच नव्हे, तर संपूर्ण कुटुंबासाठी एक उत्कृष्ट अनुभव देईल.
खाद्यप्रेमींसाठी मेजवानी:
मनोरंजनासोबतच खाद्यप्रेमींसाठी येथे आधुनिक आणि सुसज्ज रेस्टॉरंटची सोय आहे. जिथे साऊथ इंडियन, चायनीज, इटालियन, तंदूरी आणि स्टार्टर यांसारख्या विविध स्वादिष्ट पदार्थांची चव घेता येणार आहे. यासोबतच नागपूरमधील एका प्रसिद्ध आईस्क्रीम ब्रँडचा आनंदही घेता येईल.
सुरक्षित आणि प्रशिक्षित:
जवळपास दहा हजार स्क्वेअर फुटांच्या जागेत हा पूर्णपणे वातानुकूलित आणि सुरक्षित अॅडव्हेंचर पार्क उभारण्यात आला आहे. येथे खेळादरम्यान मार्गदर्शन करण्यासाठी १० कुशल कर्मचारी नेहमी उपलब्ध असतील.
संचालकांचे आवाहन:
पार्कच्या संचालकांनी नागरिकांना नवीन अॅडव्हेंचर पार्कला भेट देऊन कुटुंबासोबत आनंदाचे क्षण घालवण्याचे आवाहन केले आहे. या संदर्भात आयोजित पत्रकार परिषदेत विमल जैन, पूर्वख देढिया, देवेंद्र व्यास आणि इतर सदस्य उपस्थित होते. उद्या, २१ एप्रिल रोजी सकाळी ११ वाजता मान्यवरांच्या हस्ते उद्घाटन झाल्यानंतर हा पार्क सर्वांसाठी खुला होईल.
