जळगावात दुचाकींसाठी ‘एमएच-19/ईआर’ नोंदणी मालिका 2 जूनपासून; आकर्षक क्रमांकासाठी 28-29 मे रोजी अर्ज करा
जळगावात दुचाकींसाठी ‘एमएच-19/ईआर’ नोंदणी मालिका 2 जूनपासून; आकर्षक क्रमांकासाठी 28-29 मे रोजी अर्ज करा
जळगाव, प्रतिनिधी: जळगाव उप प्रादेशिक परिवहन कार्यालयातर्फे दुचाकी वाहनांसाठी ‘एमएच-19/ईआर 0001 ते 9999’ ही नवीन नोंदणी मालिका 2 जून 2025 पासून सुरू होत आहे. या मालिकेतील पसंतीचे आणि आकर्षक क्रमांक आरक्षित करण्यासाठी वाहनधारकांनी 28 आणि 29 मे 2025 रोजी दुपारी 4 वाजेपर्यंत कार्यालयात अर्ज सादर करावेत, असे आवाहन सहाय्यक प्रादेशिक परिवहन अधिकारी सचिन बुरुड यांनी केले आहे.
अर्ज प्रक्रिया आणि आवश्यक कागदपत्रे:
अर्जासोबत विहित शुल्काचा डिमांड ड्राफ्ट (DD) “उप प्रादेशिक परिवहन अधिकारी, जळगाव” यांच्या नावे राष्ट्रीयकृत बँकेतून सादर करावा.अर्जदाराने आधारकार्डशी लिंक केलेला मोबाईल क्रमांक, पत्त्याचा पुरावा आणि वाहन नोंदणीच्या व्यक्तीची संपूर्ण माहिती देणे बंधनकारक आहे.
पुढील प्रक्रिया:29 मे 2025:
अर्जांची छाननी होईल.30 मे 2025: एकाच क्रमांकासाठी एकापेक्षा जास्त अर्ज आल्यास, संबंधित अर्जदारांनी दुपारी 3 वाजेपर्यंत वाढीव रकमेचा DD बंद लिफाफ्यात सादर करावा.
30 मे 2025, सायंकाळी 4:30 वाजता:
लिफाफे उप प्रादेशिक परिवहन अधिकाऱ्यांच्या उपस्थितीत उघडले जातील.सर्वाधिक रकमेचा DD सादर करणाऱ्या अर्जदारास पसंतीचा क्रमांक मिळेल, तर उर्वरित अर्जदारांचे DD परत केले जातील.नवीन दुचाकी खरेदी करणाऱ्या नागरिकांनी या संधीचा लाभ घ्यावा, असे परिवहन विभागाने आवाहन केले आहे.
