भुसावळ : तालुक्यातील एका गावातील अल्पवयीन मुलीला पळवून नेत तिच्यावर अत्याचार केल्याप्रकरणी आरोपी कृष्णा महादेव गोरे (वय २५, रा. कुसुंबा, ता. जळगाव) याला जिल्हा न्यायालयाने दहा वर्षे सक्तमजुरी आणि दंडाची शिक्षा ठोठावली आहे. आरोपी गोरे याने त्याचा मित्र अनुप मांडवे याच्या मदतीने दि. १० जून २०२१ रोजी पीडितेला पळवून नेल्याचा आरोप होता, त्यानंतर अत्याचारातून ती गर्भवती राहिली होती.
या प्रकरणात भुसावळ तालुका पोलिसात गुन्हा दाखल करण्यात आला होता. यात सरकार पक्षातर्फे १५ साक्षीदार तपासण्यात आले. यात भुसावळ येथील विशेष जिल्हा न्यायाधीश व्ही. सी. बर्डे यांनी कृष्णा गोरे याला १० वर्षे सक्तमजुरी आणि दंड ठोठावला आहे.
अनुप जितेंद्र मांडवे (वय २५) याला या गुन्ह्यातून निर्दोष मुक्त केले. सरकार पक्षातर्फे अॅड. प्रवीण पी. भोंबे यांनी काम पाहिले. पैरवी अधिकारी म्हणून उपनिरीक्षक भिमदास हिरे व हवालदार आत्माराम भालेराव यांनी मदत केली
