धानोरा येथे रोड रोमियो व टवाळखोरांवर अडावद पोलिसांची धडक कारवाई
अडावद प्रतिनिधी पोलीस ठाणे हद्दीतील धानोरा गाव परिसरात महिला व मुलींच्या सुरक्षिततेच्या दृष्टीने आणि सार्वजनिक शांतता अबाधित राखण्यासाठी आज रोजी अडावद पोलिसांतर्फे विशेष गस्त व तपासणी मोहीम राबवण्यात आली. या मोहिमेदरम्यान विनाकारण फिरणाऱ्या, शांततेचा भंग करणाऱ्या आणि संशयास्पद वर्तन करणाऱ्या ३ टवाळखोरांवर रंगेहात कायदेशीर कारवाई करण्यात आली आहे. परिसरात छेडखानी व रोडरोमिओगिरी करणाऱ्या प्रवृत्तींविरुद्ध अशीच कडक कारवाई यापुढेही सुरू राहील, असा इशारा पोलिसांनी दिला आहे.
कारवाई करणारे पोलीस पथक:
सपोनी प्रशांत कंडारे (प्रभारी अधिकारी), पीएसआय शरीफ तडवी, सचिन नागरे, जयदीप राजपूत, विशाल तायडे आणि महिला अंमलदार दिव्या मराठे.
