खान्देश टाइम्स न्यूज | १ एप्रिल २०२४ | सध्या सुरू असलेल्या अतिशय कडक उन्हात आपल्याला जर कुठे मनोरंजनासह धमाल मस्ती करायची असेल तर आपल्यासाठी एकमेव गारेगार पर्याय शिरसोली रस्त्यावरील झुलेलाल वॉटर पार्क व रिसॉर्ट असल्याची माहिती वॉटर पार्कचे संचालक नीरज जेसवानी यांनी दिली. ते याबाबत आयोजीत पत्रकार परिषदेत बोलत होते.
शिरसोली रोडवर अनुभूती स्कूलच्या मागे, पाचदेवी माता मंदिराजवळ असलेल्या झुलेलाल वॉटर पार्क व रिसॉर्टचा तिसरा सीझन मोठ्या उत्साहात सुरू झाला असून होळी धमाका महोत्सवाला देखील उदंड प्रतिसाद लाभला आहे. दरम्यान, याबाबत अधिक माहिती देण्यासाठी या वॉटरपार्कचे संचालक नीरज जेसवानी यांनी पत्रकार परिषदेचे आयोजन केले. याप्रसंगी त्यांनी सर्वप्रथम खान्देशातील जनतेकडून मिळत असलेल्या जबरदस्त प्रतिसादाबाबत आभार व्यक्त केले.
यानंतर नीरज जेसवानी म्हणाले की, आपल्याकडे नेहमीच तापमान हे पंचेचाळीसच्या पार जात असल्याने उन्हाळ्यात शाळा-कॉलेजला सुट्या असून देखील वातावरण मरगळलेले असते. यात वॉटरपार्क सारख्या ठिकाणी जावयाचे म्हटल्यास आधी शिर्डी, मुंबई, लोणावळा याशिवाय कोणतेही पर्याय नव्हते. याचमुळे झुलेलाल वॉटर पार्क सुरू करण्यात आले असून तीन वर्षांपासून याला उदंड प्रतिसाद लाभत आहे. येथे विविध वॉटर राईड, रेन डान्स, जलतरण तलाव आदी सुविधा उपलब्ध असून याच्या जोडीला वाजवी दरात अतिशय चविष्ट डिशेश देखील उपलब्ध आहेत. येथे फक्त वॉटर पार्कच नसून रिसॉर्ट देखील आहे. अर्थात, विवाहासह अन्य शुभ कार्यांसाठी अतिशय वाजवी दरामध्ये लॉन व एसी रूम्सदेखील उपलब्ध असल्याचे माहिती नीरज जेसवानी यांनी याप्रसंगी दिली.
झुलेलाल वॉटरपार्क येथे भव्य वेव्ह पुलची निर्मिती अंतिम टप्प्यात असून येत्या काही दिवसांमध्ये ते ग्राहकांसाठी खुले करण्यात येणार आहे. या माध्यमातून समुद्रातील लाटांचा आनंद अतिशय सुरक्षित वातावरणात घेण्याची सुविधा खान्देश वासियांना उपलब्ध होणार असल्याचे प्रतिपादन नीरज जेसवानी यांनी याप्रसंगी केले. सध्या वॉटर पार्क हे सकाळी ११ ते सायंकाळी ५ या कालावधीत सुरू राहणार असून लवकरच सायंकाळी सहा ते रात्री दहा या वेळेतही सुरू राहणार असल्याचेही ते म्हणाले.
झुलेलाल वॉटर पार्क व रिसॉर्टच्या बुकींगसाठी नागरिकांनी 9890770859 या क्रमांकावर संपर्क साधण्याचे आवाहन देखील संचालक नीरज जेसवानी यांनी याप्रसंगी केले आहे
