जनतेची लूट करून कुठला विकास दाखवताय? शिवसेना जळगाव महानगरतर्फे सरकारचा तीव्र निषेध
जळगाव सर्वसामान्य जनता आधीच महागाईने होरपळत असताना शासनाने केलेली साखर दरवाढ ही थेट जनतेची लूट आहे; मग असा कोणता विकास सरकार दाखवू पाहत आहे, असा संतप्त सवाल करत शिवसेना जळगाव महानगरतर्फे आज सरकारचा तीव्र निषेध करण्यात आला.
साखर दरवाढीच्या निषेधार्थ शिवसेना जळगाव महानगरच्या वतीने आज १७ मजली प्रशासकीय इमारतीसमोर आंदोलन छेडण्यात आले. शिवसेना जिल्हाप्रमुख कुलभूषण पाटील आणि महानगरप्रमुख शरद तायडे यांच्या नेतृत्वात हे आंदोलन पार पडले. या अनोख्या आंदोलनात महिला आघाडीच्या वतीने भररस्त्यात बिनसाखरेचा चहा तयार करून सरकारच्या धोरणांचा धिक्कार करण्यात आला.
शिवसैनिकांची मोठी उपस्थिती
या आंदोलनाला शिवसेनेचे पदाधिकारी आणि शिवसैनिक मोठ्या संख्येने उपस्थित होते. यामध्ये मनपा शिवसेना गटनेत्या अर्शिन खाटीक, उपजिल्हाप्रमुख भाऊसाहेब सोनवणे, तालुकाप्रमुख घुगे, महिला आघाडी महानगरप्रमुख मनीषा पाटील, गायत्री सोनवणे, नीता सांगोळे, माजी नगरसेविका पार्वता भिल्ल, युवासेना जिल्हाप्रमुख पियुष गांधी, गणेश गायकवाड, प्रशांत सुरळकर, भूषण जोशी, किरण भावसार, शोएब खाटीक, कलीम खान, शरीफ रंगरेज, निलेश ठाकरे, अमित जगताप, बापू मेने, हर्षल मुंडे, तोसीफ काकर, संजय सांगोळे, सनी जैन, प्रफुल नाईक, प्रेमराज राठोड, योगेश पाटील, अशोक गिरणारे, किरण ठाकूर, प्रमोद सोनवणे, डॉ. रमाकांत कदम, अनिल राठोड, महेश शेरे, सावन राठोड, संकेत चव्हाण, ज्योती वंजारी, मनीषा कोळी, विजया पाटील, सुजाता पाटील यांच्यासह अनेक पदाधिकारी व कार्यकर्ते सहभागी झाले होते.
