भाजप जळगाव जिल्हा संघटनात्मक बैठक संपन्न; निवडणूक निरीक्षक प्रदीप पेशकार यांचे मार्गदर्शन
जळगाव, भारतीय जनता पार्टी जळगाव जिल्हा (पूर्व, पश्चिम व महानगर) यांच्या संयुक्त संघटनात्मक महत्त्वपूर्ण बैठकीचे आयोजन आज दिनांक २३ मे रोजी दुपारी १२.३० वाजता भाजप कार्यालय, जी.एम. फाउंडेशन येथे करण्यात आले. या बैठकीला भाजपचे प्रदेश प्रवक्ते व निवडणूक निरीक्षक प्रदीप जी पेशकार, महानगर जिल्हाध्यक्ष आ. सुरेश भोळे (राजू मामा) यांची प्रमुख उपस्थिती लाभली.
या वेळी आमदार सुरेश भोळे यांनी आगामी संघटनात्मक आणि निवडणुकीसंदर्भातील नियोजनावर कार्यकर्त्यांशी संवाद साधत महत्त्वाचे दिशा–निर्देश दिले.
पुण्यश्लोक अहिल्याबाई होळकर त्रिशताब्दी वर्षानिमित्त विशेष कार्यक्रम
प्रदेश प्रवक्ते प्रदीप जी पेशकार यांनी कार्यकर्त्यांना मार्गदर्शन करताना सांगितले की, पुण्यश्लोक अहिल्याबाई होळकर त्रिशताब्दी जयंतीचा कार्यक्रम मोठ्या प्रमाणात आणि प्रभावी स्वरूपात राबविण्यात यावा. जळगाव जिल्हा हा भाजपाचा बालेकिल्ला असून, येथील कार्यकर्त्यांनी पक्षासाठी केलेले योगदान मोठे आहे. ही यशोगाथा कार्यकर्त्यांच्या संघटनात्मक बळामुळे शक्य झाली असल्याचे त्यांनी नमूद केले.
नवीन आणि मावळत्या नेतृत्वाचा गौरव
बैठकीदरम्यान नूतन जिल्हाध्यक्ष सुरेश भोळे यांचा तसेच मावळत्या जिल्हाध्यक्षा उज्वलाताई बेंडाळे यांचा सत्कार प्रदीप जी पेशकार यांच्या हस्ते करण्यात आला.
उपस्थित मान्यवर व कार्यकर्ते
या बैठकीस महानगर जिल्हाध्यक्ष दीपक सूर्यवंशी, ग्रामीण जिल्हाध्यक्ष डॉ. राधेश्याम चौधरी, पूर्व ग्रामीण जिल्हाध्यक्ष चंद्रकांत बाविस्कर, महिला आघाडी उपाध्यक्ष रेखाताई वर्मा, महिला जिल्हा अध्यक्षा भारतीताई सोनवणे, माजी आमदार महेंद्र पाटील, नंदू महाजन, सुरेश धनके, सरचिटणीस महेश जोशी, जितेंद्र मराठे, सचिन पानपाटील, लालचंद पाटील, मधुकरभाऊ काटे, विशाल त्रिपाठी तसेच जिल्ह्यातील सर्व मंडळ अध्यक्ष, पदाधिकारी, नगरसेवक व कार्यकर्ते मोठ्या संख्येने उपस्थित होते.
सूत्रसंचालन नितीन इंगळे यांनी केले, तर आभार प्रदर्शन राहुल वाघ यांनी केले.
