धरणगाव : तालुक्यातील कल्याणे होळ येथे जुन्या भांडणाच्या कारणावरून दाम्पत्यासह मुलाला लाकडाने बेदम मारहाण करून गंभीर दुखापत केल्याची घटना गुरूवारी घडली. याप्रकरणी धरणगाव पोलीस ठाण्यात आठ जणांविरोधात गुन्हा दाखल करण्यात आला आहे. धरणगाव तालुक्यातील
कल्याणे होळ येथे सरिता मनोज कापडणे (वय-३१) या महिला पती आणि मुलासह वास्तव्याला आहे. शेतीचे काम करून आपला उदरनिर्वाह करतात. जुन्या भांडणाच्या कारणावरून गुरूवारी २८ डिसेंबर रोजी सकाळी ६ वाजता शेजारी राहणारे भाईदास जगन कापडणे यांच्याशी वाद झाला. याच रागातून
भाईदास कापडणे, छोटू जगन कापडणे, सिमाबाई, पौर्णिमा, सुनंदाबाई, मिलींद, जगन खंडू कापडणे, आणि कलाबाई (पूर्ण नाव माहित नाही) सर्व रा. कल्याणे होळयांनी सरिता कापडणे यांच्यासह त्यांचे पती आणि मुलगा यांना लाकडाने बेदम मारहाण करून गंभीर दुखापत केली. हा प्रकार घडल्यानंतर दाम्पत्याला जळगाव येथील शासकीय रूग्णालयात दाखल करण्यात आले. उपचार घेतल्यानंतर शनिवारी रात्री ८ वाजता सरिता कापडणे यांनी दिलेल्या फिर्यादीवरून धरणगाव पोलीस ठाण्यात मारहाण करणारे आठ जणांविरोधात गुन्हा दाखल करण्यात आला आहे. पुढील तपास पोहेकॉ दिपक पाटील हे करीत आहे.
