जळगाव ;- शहरातील गजबजलेल्या फुले मार्केट परिसरातून महिलेच्या पिशवीतील पर्स लांबवून त्यामधील सोन्याचे पदक आणि ५ हजारांची रोकड अज्ञात चोरटयांनी लांबविल्याची घटना १९ रोजी दुपारी सव्वा तीन ते पावणे चार वाजेच्या दरम्यान घडली. याप्रकरणी शहर पोलीस स्टेशनला गुन्हा दाखल करण्यात आला आहे
. याबाबत माहिती अशी कि , शहरातील धनाजी नाना काळे नगर ,शिवाजी नगर येथील रहिवाशी संगीता महेंद्र राणा ह्या आपल्या मुलीसोबत फुले मार्केट येथे खरेदी साठी फुले मार्केटमध्ये १९ रोजी आले असता त्यांच्या पर्समधील ५ हजार रुपयांची रोकड आणि ३ हजार रुपये किमतीचे अर्धा ग्राम वजनाचे सोन्याचे पदक लंपास केल्याची घटना दुपारी सव्वातीन ते पावणे चार वाजेच्या सुमारास घडली. याप्रकरणी शहर पोलीस स्टेशनला अज्ञात व्यक्तीविरुद्ध गुन्हा दाखल करण्यात आला असून तपास पोहेकॉ प्रफुल्ल धांडे करीत आहे.
