जळगाव जिल्हा परिषदेच्या मुख्य कार्यकारी अधिकारी श्री अंकित यांची संभाजीनगर येथे बदली; मीनल करनवाल यांची नियुक्ती
जळगाव, राज्य शासनाने आयएएस अधिकाऱ्यांच्या बदल्यांचे आदेश जारी केले असून, त्यानुसार जळगाव जिल्हा परिषदेचे मुख्य कार्यकारी अधिकारी श्री अंकित यांची बदली करण्यात आली आहे. त्यांची छत्रपती संभाजीनगर जिल्हा परिषदेच्या मुख्य कार्यकारी अधिकारीपदी नियुक्ती करण्यात आली आहे.
त्यांच्या जागी आता नांदेड जिल्हा परिषदेच्या मुख्य कार्यकारी अधिकारी श्रीमती मीनल करनवाल यांची जळगाव जिल्हा परिषदेच्या मुख्य कार्यकारी अधिकारीपदी नियुक्ती करण्यात आली आहे.
राज्य शासनाने मंगळवारी, १८ मार्च २०२५ रोजी अधिकृत आदेश काढून विविध आयएएस अधिकाऱ्यांच्या बदल्या जाहीर केल्या. या निर्णयानुसार, राज्यातील अनेक प्रशासकीय अधिकाऱ्यांच्या जबाबदाऱ्या बदलण्यात आल्या आहेत.
जळगाव जिल्ह्यातील विकास कामांना गती देण्याच्या दृष्टीने नवीन मुख्य कार्यकारी अधिकारी म्हणून श्रीमती मीनल करनवाल लवकरच पदभार स्वीकारणार आहेत. त्यांच्या नियुक्तीमुळे जिल्ह्यातील प्रशासनात नवे नेतृत्व मिळणार असून, विकासाची प्रक्रिया अधिक गतिमान होण्याची अपेक्षा व्यक्त केली जात आहे.
