चोपडा येथे प्रताप विद्यामंदिर इंग्लिश मीडियम स्कूल मध्ये आषाढी एकादशी उत्साहात साजरी
चोपडा : चोपडा एज्युकेशन सोसायटी संचलित प्रताप विद्यामंदिर इंग्लिश मीडियम स्कूलमध्ये आषाढी एकादशीनिमित्त “महोत्सव विठ्ठलाचा, महागजर विठ्ठलाचा” असा भक्तिमय उत्सव साजरा करण्यात आला. महाराष्ट्राचे आराध्य दैवत विठ्ठल-रुक्मिणी यांची पारंपरिक पद्धतीने पूजा आणि उत्सव साजरा करण्यात आला.
या कार्यक्रमात विठ्ठल नामाचा गजर, वारकरी संप्रदायातील पारंपरिक खेळ, भजन, अभंग, संत जनाबाई यांच्या ओव्यांचे गायन, लेझीम, टाळ-मृदंग, रिंगण सोहळा, फुगडी, भक्तीगीते आणि कलानृत्य यांचे सादरीकरण विद्यार्थ्यांनी मोठ्या उत्साहात केले. विद्यार्थ्यांनी विविध संतांच्या वेशभूषा परिधान करून “माऊली माऊली” या नामाचा गजर करत संपूर्ण परिसर भक्तिमय केला.
कार्यक्रम यशस्वी करण्यासाठी मुख्याध्यापक रजीश बी., उपमुख्याध्यापिका निखिला, संस्थेचे समन्वयक गोविंद गुजराथी, शरद पाटील, सूत्रसंचालन चेतना बडगुजर, रिंगण मार्गदर्शन समाधान माळी, प्रस्तावना प्रियंका महाजन यांचे तसेच शाळेतील सर्व शिक्षक व कर्मचारी यांचे मोलाचे सहकार्य लाभले.
