अनंत चतुर्दशीनिमित्त इकरा युनानी महाविद्यालयाचा स्तुत्य उपक्रम
वैद्यकीय तपासणी शिबिर आणि प्रथमोपचाराचे आयोजन
जळगाव (प्रतिनिधी) – अनंत चतुर्दशीच्या निमित्ताने शहरात आयोजित केलेल्या गणेश विसर्जन मिरवणुकीत सहभागी गणेश भक्तांसाठी इकरा युनानी वैद्यकीय महाविद्यालयाने एक कौतुकास्पद उपक्रम राबवला. आज, ६ सप्टेंबर रोजी इच्छादेवी चौक येथे महाविद्यालयाच्या वतीने मोफत वैद्यकीय तपासणी शिबिर आणि प्रथमोपचाराचे आयोजन करण्यात आले होते.
या शिबिराला गणेश भक्तांकडून उत्स्फूर्त प्रतिसाद मिळाला. मिरवणुकीच्या उत्साहात सहभागी होणाऱ्या भाविकांना या कॅम्पमध्ये विनामूल्य वैद्यकीय सेवा आणि आवश्यक प्रथमोपचार पुरवण्यात आले.
या शिबिराच्या यशस्वी आयोजनासाठी अनेक मान्यवर उपस्थित होते, ज्यात उपअधीक्षक प्रमोद खटके, पोलीस उपनिरीक्षक राहुल तायडे, माजी नगरसेवक प्रशांत नाईक, अब्दुल करीम सालार, मुफ्ती हारून नदवी, आणि ॲड. शरीफ शेख यांचा समावेश होता. याव्यतिरिक्त, कॉलेजचे उपप्राचार्य डॉ. शोएब शेख, तसेच आसिफ खान, इम्रान शेख, मोहसीन शेख आणि महाविद्यालयाचे कर्मचारी व विद्यार्थी मोठ्या संख्येने उपस्थित होते.
हा उपक्रम धार्मिक सलोखा आणि सामाजिक बांधिलकीचे उत्तम उदाहरण ठरला.
