ढोल ताशा लेझीम पथक स्पर्धेने महोत्सवाची होणार सुरुवात
जळगाव l १७ ऑगस्ट २०२४ l शहरातील लोकप्रिय आ. राजूमामा भोळे यांच्यावतीने पहिल्यांदाच ‘आमदार सांस्कृतिक महोत्सवा’चे आयोजन जळगाव शहरात दि. २२ ते २५ ऑगस्ट दरम्यान करण्यात आले आहे. या महोत्सवानिमित्त रविवार दि. १८ ऑगस्ट रोजी दुपारी १२ वाजता सागर पार्क येथे ढोल ताशा व लेझीम पथक महोत्सव स्पर्धेचे आयोजन करण्यात आले आहे.
महोत्सवामध्ये विविध गणेश मंडळाचे ढोल ताशा पथक तसेच लेझीम पथक सहभागी होणार आहेत. याशिवाय महोत्सवात पथनाट्य देखील सादर होतील. यासाठी अनेक संघांनी नोंदणी केली असून तरुणांना सांस्कृतिक व्यासपीठ मिळावे, त्यांच्या कलागुणांना बहरण्यासाठी संधी मिळावी यासाठी या महोत्सवाचे आयोजन करण्यात आले असल्याचे आयोजक आ. सुरेश भोळे तथा राजूमामा भोळे यांनी सांगितले आहे.
तसेच दि. २२ ते २५ ऑगस्ट दरम्यान महिला भगिनींसा पाककला, रांगोळी, मेहंदी, चित्रकला, भजन, मंगळागौर समूहगीत, समूह नृत्य, बालनाट्य,साडी वेशभूषा यांसारख्या विविध स्पर्धांचे आयोजन छत्रपती संभाजी राजे नाट्यगृह येथे संपन्न होत असून जास्तीत जास्त संख्येने महोत्सवात आपला सहभाग नोंदवावा असे आवाहन आयोजकांतर्फे करण्यात आले आहे.
