जळगावातील शिव कॉलनी येथील घटना
जळगाव I प्रतिनिधी ट्रकने दुचाकीला धडक दिल्याने महिला गंभीर जखमी झाल्याची घटना शहरातील शिवकॉलनी जवळील राष्ट्रीय महामार्गावर भरधाव वेगाने येणाऱ्या सोमवारी ६ जानेवारी रोजी रात्री ८ वाजता घडली आहे. याप्रकरणी रामानंद नगर पोलीस ठाण्यात ट्रकवरील अज्ञात चालकावर गुन्ह्याची नोंद करण्यात आली आहे,
कांचन नगरात राहणाऱ्या महिला ह्या दुचाकीने सोमवारी ६ जानेवारी रोजी रात्री ८ वाजता शिवकॉलनीतील राष्ट्रीय महामार्गावरून दुचाकीने घरी जाण्यासाठी
निघाल्या. असता भरधाव वेगाने येणारा ट्रक क्रमांक (एमएच २० डीई ५८१३) जोरदार धडक दिली. या धडकेत दुचाकीवरील महिला गंभीर जखमी झाल्या. त्यांना तातडीने जळगाव जिल्हा शासकीय वैद्यकीय महाविद्यालयात उपचारार्थ दाखल करण्यात आले. त्यांच्यावर उपचार घेतल्यानंतर त्यांचे पती अजयकुमार पंजाबराव पाटील यांनी रामानंद नगर पोलीसात तक्रार दिली. त्यानुसार ट्रकवरील अज्ञात चालकावर गुन्हा दाखल करण्यात आला आहे. तपास महिला पोलीस कॉन्स्टेबल उषा सोनवणे ह्या करीत आहे.
