चाळीसगाव;- शहरातील बालाजी लॉन्स येथे असलेल्या विवाह समारंभातून अद्याप महिला चोरट्यांनी सोन्या चांदीचे दागिने असा एकूण साठ हजार रुपये किमतीचा ऐवज चोरून नेल्याचा प्रकार ७ रोजी दुपारी साडेतीन वाजेच्या सुमारास घडला. याप्रकरणी चाळीसगाव ग्रामीण पोलीस स्टेशनला गुन्हा दाखल करण्यात आला आहे.
सूत्रांनी दिलेली माहिती अशी की धुळे रोडवरील बालाजी लॉन्स येथे सात रोजी दुपारी साडेतीन वाजेच्या सुमारास प्रतिभा विजय देवरे वय 40 रा. भोरस तालुका चाळीसगाव हे एका विवाहाला उपस्थित होत्या. त्यांच्या जवळील ३१ हजार पाचशे रुपयांचे मंगळसूत्र, दहा हजार रुपये रोख ,पंधरा हजार रोख असलेले पाकीट आणि 2100 रुपयाची चांदीची अंगठी असा एकूण 58 हजार सहाशे रुपयांचा मुद्देमाल अज्ञात महिला चोरट्यांनी लांबविला. याप्रकरणी प्रतिभा देवरे यांनी दिलेल्या फिर्यादीवरून चाळीसगाव ग्रामीण पोलीस स्टेशनला गुन्हा दाखल करण्यात आला असून तपास विजय शिंदे करीत आहे.
