जळगाव : दुचाकीवरुन मुलांना इकरा कॉलेज येथे घेऊन जात असलेल्या शेख अकबर शेख अब्बास (वय ३३, रा. अक्सा नगर) यांना चाकूचा धाक दाखवून दोन लाखाची खंडणी मागणाऱ्या अजिज बाबा मुलतानी (रा. गेंदालाल मील, जळगाव) याला एमआयडीसी पोलिसांनी शनिवारी अटक केली.
शहरातील अक्सा नगरातील शेख अकबर शेख अब्बास याला अजिज मुलतानी याने शुक्रवारी शेख अकबर यांना रस्त्यात अडवून चाकूचा धाक दाखवत दोन लाखाची खंडणी मागितल्याचा प्रकार अक्सा नगरात घडला होता. याप्रकरणी एमआयडीसी पोलीस ठाण्यात खंडणीचा गुन्हा दाखल करण्यात आला होता.
काही एक कारण नसताना अजिज याने चाकू भिरकावून धमकावल्याचे फिर्यादीत नमूद आहे. उपनिरीक्षक संजय पाटील यांनी मुलतानी याला अटक करुन शनिवारी न्यायालयात हजर केले असता त्याला पोलीस कोठडी सनावण्यात आली.
