चोरवड येथे एका वेटरवर चाकू हल्ला ; संशयीताला अटक
भुसावळ : येथे दारूच्या नशेत एकाने वेटरला शिवीगाळ करून चाकून वार केल्यामुळे वेटर गंभीर जखमी झाला. त्याला उपचारासाठी जळगाव येथे दाखल करण्यात आले आहे. ही घटना ५ फेब्रुवारी रोजी तालुक्यातील चोरवड येथे दुपारी दीड वाजण्याच्या सुमारास घडली.
जामनेर रोडवरील हॉटेल भागाईमधील वेटर नजाकत अली उर्फ मेजवान युनूस अली याच्यावर आरोपी वेटर कमलेश शाळीग्राम जवरे (२४, हल्ली रा. चोरवड, मूळ रा. देऊळगाव गुजरी, ता. जामनेर) याने दारूच्या नशेत शिवीगाळ करतमानेवर, तोंडावर, डोळ्याच्या वर कांदा कापण्याच्या सुरीने वार करून जखमी केले. संशयिताला पोलिसांनी ताब्यात घेतले असून त्याच्याविरुद्ध तालुका पोलिस ठाण्यात गुन्हा दाखल केला आहे. तपास पोलिस निरीक्षक महेश गायकवाड हे करत आहेत.
