शासकीय लेवा भवनात शिंदे गटाचे कार्यालय; ॲड. पियुष पाटील यांची मनपा आयुक्तांकडे लेखी तक्रार
जळगाव (प्रतिनिधी) – शहरातील सरदार वल्लभभाई पटेल भवन म्हणजेच सुप्रसिद्ध लेवा भवन येथे सत्ताधारी शिंदे गट शिवसेनेचे कार्यालय उघडण्यात आले असून, या प्रकरणामुळे शहरात राजकीय वादंग निर्माण झाला आहे. हे कार्यालय माजी महापौर व शिंदे गटाचे जिल्हाप्रमुख विष्णू भंगाळे यांच्या पुढाकाराने सुरू करण्यात आल्याचे समजते. विशेष म्हणजे, भंगाळे यांनी स्वतःच्या सोशल मीडिया खात्यावरून या कार्यालयाच्या उद्घाटनाचा व्हिडिओ आणि पोस्ट देखील प्रसिद्ध केलेली आहे.
या घडामोडीच्या पार्श्वभूमीवर जळगाव महानगरपालिकेचे माजी नगरसेवक स्व. नरेंद्रअण्णा पाटील यांचे चिरंजीव ॲड. पियुष नरेंद्र पाटील यांनी मनपा आयुक्तांकडे थेट लेखी तक्रार दाखल केली आहे. तक्रारीत त्यांनी नमूद केले आहे की, सरदार वल्लभभाई पटेल भवन ही महानगरपालिकेच्या मालकीची जागा असून ती संबंधित संस्थेला केवळ करारावर देण्यात आलेली आहे. या करारामध्ये स्पष्टपणे नमूद आहे की सदर जागा कोणत्याही विशिष्ट राजकीय पक्षाच्या कार्यालयासाठी वापरली जाणार नाही. मात्र, या अटींचे उघड उल्लंघन करून सत्ताधारी पक्षाने कार्यालय सुरू केले आहे, असे पाटील यांनी तक्रारीत म्हटले आहे.
या संदर्भात त्यांनी महानगरपालिका अतिक्रमण विभागाने तात्काळ हस्तक्षेप करून हे अनधिकृत कार्यालय जप्त करण्याची मागणी केली आहे. तसेच भविष्यात कोणत्याही शासकीय किंवा करारावर दिलेल्या जागांचा अशा प्रकारे राजकीय वापर होऊ नये यासाठी कठोर कारवाई करण्याचेही आवाहन त्यांनी केले आहे.
दरम्यान, विष्णू भंगाळे हे सत्ताधारी शिंदे गटाचे जिल्हाप्रमुख असून ते पालकमंत्री गुलाबराव पाटील यांचे निकटवर्ती मानले जातात. त्यामुळे या तक्रारीमुळे राजकीय वर्तुळात खळबळ उडाली असून मनपा प्रशासन या तक्रारीवर कोणती भूमिका घेते याकडे सर्वांचे लक्ष लागले आहे.
शासकीय लेवा भवनात शिंदे गटाचे कार्यालय; ॲड. पियुष पाटील यांची मनपा आयुक्तांकडे लेखी तक्रार
जळगाव (प्रतिनिधी) – शहरातील सरदार वल्लभभाई पटेल भवन म्हणजेच सुप्रसिद्ध लेवा भवन येथे सत्ताधारी शिंदे गट शिवसेनेचे कार्यालय उघडण्यात आले असून, या प्रकरणामुळे शहरात राजकीय वादंग निर्माण झाला आहे. हे कार्यालय माजी महापौर व शिंदे गटाचे जिल्हाप्रमुख विष्णू भंगाळे यांच्या पुढाकाराने सुरू करण्यात आल्याचे समजते. विशेष म्हणजे, भंगाळे यांनी स्वतःच्या सोशल मीडिया खात्यावरून या कार्यालयाच्या उद्घाटनाचा व्हिडिओ आणि पोस्ट देखील प्रसिद्ध केलेली आहे.
या घडामोडीच्या पार्श्वभूमीवर जळगाव महानगरपालिकेचे माजी नगरसेवक स्व. नरेंद्रअण्णा पाटील यांचे चिरंजीव ॲड. पियुष नरेंद्र पाटील यांनी मनपा आयुक्तांकडे थेट लेखी तक्रार दाखल केली आहे. तक्रारीत त्यांनी नमूद केले आहे की, सरदार वल्लभभाई पटेल भवन ही महानगरपालिकेच्या मालकीची जागा असून ती संबंधित संस्थेला केवळ करारावर देण्यात आलेली आहे. या करारामध्ये स्पष्टपणे नमूद आहे की सदर जागा कोणत्याही विशिष्ट राजकीय पक्षाच्या कार्यालयासाठी वापरली जाणार नाही. मात्र, या अटींचे उघड उल्लंघन करून सत्ताधारी पक्षाने कार्यालय सुरू केले आहे, असे पाटील यांनी तक्रारीत म्हटले आहे.
या संदर्भात त्यांनी महानगरपालिका अतिक्रमण विभागाने तात्काळ हस्तक्षेप करून हे अनधिकृत कार्यालय जप्त करण्याची मागणी केली आहे. तसेच भविष्यात कोणत्याही शासकीय किंवा करारावर दिलेल्या जागांचा अशा प्रकारे राजकीय वापर होऊ नये यासाठी कठोर कारवाई करण्याचेही आवाहन त्यांनी केले आहे.
दरम्यान, विष्णू भंगाळे हे सत्ताधारी शिंदे गटाचे जिल्हाप्रमुख असून ते पालकमंत्री गुलाबराव पाटील यांचे निकटवर्ती मानले जातात. त्यामुळे या तक्रारीमुळे राजकीय वर्तुळात खळबळ उडाली असून मनपा प्रशासन या तक्रारीवर कोणती भूमिका घेते याकडे सर्वांचे लक्ष लागले आहे.
