जळगांव l १२ जून २०२३ l भडगाव प्रतिनिधी l तालुक्यातील नगरदेवळा रेल्वे स्टेशन जवळ असलेल्या बंद पडलेल्या सुतगिरणीतुन गॅस कटरच्या साहाय्याने लोखंडी अँगल कापुन लोखंड गाड़ी मध्ये भरीत असल्याची गोपनिय माहिती भडगांव पोलिसांना मिळाली त्याआधारे भडगांव पोलिसांनी दि.९ रोजी सकाळी साडे नऊ वाजेच्या सुमारास एक अशोक लेलन्ड कंपनीची चार चाकी गाडी व टि.व्ही.एस. कंपनीची मोटार सायकल सह चोरी करीत असलेले लोखंडी अँगल असा एकुण ४ लाख ६५ हजाराचा मुद्देमाल पोलिसांनी जप्त करीत आज रोजी भडगांव पोलिसात अज्ञात आरोपी विरोधात गुन्हा दाखल करण्यात आला आहे.
याबाबत सविस्तर असे की तालुक्यातील नगरदेवळा स्टेशन जवळ बंद पडलेली सुतगिरणी ही जळगांव जिल्हा निबंधक यांच्या ताब्यात आहे या सुतगिरणीतुन सकाळी साडे नऊ वाजेच्या दरम्यान आज्ञात चोरट्यानी गॅस कटरच्या साह्याने लोखंडी अँगल कापुन चोरी करीत असल्याची गोपनिय माहिती भडगांव पोलिसांना मिळाली त्या आधारे भडगांव पोलिसांनी त्या ठिकाणी छापा टाकला असता २० हजार किमंतीचे ५०० किलो वजानाचे सुतगिरणीच्या छताचे लोखंडी अँगल पिवळसर रंगाची अशोक लेलन्ड कंपनीची ४ लाख किमंती ची गाडी क्र.एम. एच. ०२ सी.ई ७८९२,टि.व्ही.एस कंपनीची काळ्या रंगाची ३० हजार किमंतीची मोटार सायकल,१० हजार किमंतीचे दोन ऑक्सीजन सिलेंडर २ हजार किमतीचे दोन एल.पी.जी. घरगुती सिलेंडर व ३ हजार किमंतीचे गॅस कटर असा एकुण ४ लाख ६५ हजार रुपये किमंतीचा मुद्देमाल जप्त केला असुन आज्ञात चोरटे घटना स्थळावरून पळुन जाण्यास यशस्वी झाले आहे.
याबाबत आज सुतगिरणी येथील कार्यरत असलेला वॉचमन कर्णसिंग नरसिंग पाटील वय- ७५ वर्ष याच्या फिर्यादीवरून आज्ञात आरोपी विरोधात भडगांव पोलिस स्टेशनला गु.र.नं. १६९/२०२३ अन्वये भा.द.वी. कलम ३७९ प्रमाणे चोरीचा गुन्हा दाखल करण्यात आला आहे याबाबत पुढील तपास पो.हे.कॉ. संजय पाटील हे करीत आहे.
